Buh mawnongrim u CM ban tei ia ka Integrated Block Development Complex ha Nongstoin

Date:

Share post:

Nongstoin, Nailar 10: U Myntri Rangbah ka Jylla Conrad Kongkal Sangma hynne ka sngi Balang, ula buh mawnongrim ban tei ia ka Integrated Development Complex ha Nongstoin, West Khasi Hills ha ka jingiadon lang u Myntri ka Tnad C&RD Bah Hamletson Dohling bad u MLA ka thain Bah Macmillan Byrsat.

Ha kane ka jingialang, u Myntri Rangbah ula aiti ruh ia ka song jingiarap da ka pisa sha ki nongrep tit oyster kaba la mang na ka Meghalaya Mushroom Mission bad ki kynhun nongrep naka FOCUS Programme.

Haba ai jingkren, u Myntri Rangbah ula ong ba ka Sorkar Jylla kala pynleit jingmut bha sha ki thain kiba sahdien jong ka Jylla bad kala pyrshang ban pynthikna ba ki kam pynroi kin poi ha manla ki kyndong kynshrot jong ka Jylla.

U Myntri ula ong ba kane ka Ophis ka Block ba thymmai kan pynthikna ia ka jingai jingshakri kaba janai bha sha ki paidbah jong ka thain.

Haba pynpaw ia ka jingsngewkhia ba ki jingtei jong ka Sorkar Jylla ha ki jaka nongkyndong bad ha manla ki Block kila jot, u Myntri Rangbah ula ong “Kane ka Sorkar kala pyrshang ban tei thymmai ia kine ki jingtei ba kin lah ai ia ka jingshakri kaba janai sha ki paidbah”.

“Ka Sorkar kala dei mang haduh T. 3 klur sha man kawei pa kawei ka Block ban tei ia ki jingtei ba donkam ha baroh ki 46 tylli ki Block ba don ha ka Jylla” ula bynrap.

Haba ban jur halor ka jingpyrshang jong ka Sorkar ban pynjanai ia ka lad pyniasoh lyngba ki surok ha kylleng ki jaka jong ka Jylla, ula pyntip ba ka jingshna pynbha ia ki surok ba kongsan ha West Khasi Hills kum ka surok Nongstoin-Maweit, Nongstoin-Wahkaji bad Nongstoin- Rambrai-Kyrshai kala iaid mynta.

“Ka Sorkar kala mang ia ka pisa ba T.26.5 klur ban shna pynbha noh ia baroh ki shnong shnong kiba don ha sor Nongstoin” ula pyntip.

U Myntri Rangbah u la pyntip ba nalor ka jingtei ia ki jingtei ba donkam, ka Sorkar kala wanrah ruh ia ki skhim ban kyntiew ia ka ioh ka kot ha ka imlang sahlang khamtam ia ki kynthei bad ki nongrep.

Ula pyntip ha kane ka jingialang ba ka Sorkar kala dep ban pyllait palat ia ka T. 300 klur sha ki 35000 tylli ki Self Help Group (SHG) ha kine ki saw snem bala leit noh.

Haba pyntip ba haduh 4.5 lak ngut ki Kynthei kila iadonbynta ha ki SHG, ula ong ba ka jingpynshlur jong Sorkar ia ka jingtreikam ki SHG, kala lam sha ka jingkyntiew ia ka kamai kajih jong ki Kynthei, kaba long kongsan bha sha ka jingkiew ka ioh ka kot ka Jylla.

Nalor kane, ula pyntip ba ka sorkar kala ai ia ka jingiarap song pisa sha palat 18000 tylli ki kynhun nongrep hapoh ka FOCUS.

Ula ong ba lyngba ka FOCUS bad FOCUS plus programme, kan plie lynti ha kaban ai jingkyrshan ia ki nongrep bad ki kynhun pynmih marrep ba kin ym don hapdeng ka jingkyrduh pisa.

Share post:

spot_img

Popular

More like this
Related

Wanlambok Nongkhlaw to lead Meghalaya in 1st NE Inter State Friendship tourney

Shillong, March 26: The Senior Men and the U-25 Men...

Jied ka MCA ia ka kynhun cricket U-25 sha ka 1st North East Inter State Tournament

Shillong, Lber 26: Ka Senior Men bad ka U-25...

Pynkup burom ka Lum Nongthymmai ia u Bah Sosthenes Sohtun

Nongpoh, Lber 26: Ka Dorbar Shnong Lum Nongthymmai, hynnin...

Rah ka Max XXI Fc ia ka Open to All Knock Out FT ba la pynlong da ka TULBA

Nongpoh, Lber 26: Ka kynhun Max XXI FC ka...