Shillong, Naitung 29: Ka sorkar Meghalaya ka dang wad jaka thymmai na ka bynta ban tei ia ka medical College ha Shillong, ka sienjam ba ka pyrshang ban don noh la ka jong ka medical College la ka jong ha Shillong
Haba kren bad ki lad pathai khubor, u Myntri ka tnad ka Koit ka Khiah ka jylla u Jame K Sangma u la ong ba ka sorkar mynta ka la pynkhreh da ka tender ba thymmai na ka bynta ban khot ia ki kynhun ba thymmai kiba kwah ban snohkti lang bad ka sorkar ban pynïaid ia ka Medical College.
Ka soskular kaba rim ba ka sorkar ka ïasoh bad ka KPC na Kolkata la Weng bad pynkut noh na kiba bun ki daw.
“Ngi sngewthuh ia ka jingdonkam ban don noh la ka jong ka Medical College ha ka jylla namar bun ki khynnah ki hap ban leit pule shabar ban pyndep ia ka jingpule jong ki. Dei na kane ka daw ba ngi kwah ban ioh bad don noh la ka jong ka Medical College,” ong u James.
Shuh shuh u ong ruh ba ka jaka ba don mynta ha Umsawli kaba thmu ban tei ia ka Medical College kam pat biang satia na ka bynta ban tei ia ka college kaba paka bha.
