Guwahati, Naitung 29 :Napdeng ki jylla ka thain shatei lammihngi (Northeast) jong ka ri, ka Assam ka la sakhi halor ka jingdon bun eh ki ba iap hapoh ka jingpeit jong ki pulit (custodial dead) bad kumjuh na ka jingshah siat ha ki pulit hapdeng u bnai Iaiong 2020 bad u Lber 2022.
Ia kane la pyntip da ka ministry of home affairs (MHA).Ki ba kum kine ki jingiap ha ka thain Northeast, ka Nagaland ka dei ka ba duna tam.
Ka MHA ka la pyllait ia ka kaiphot halor ka jingdon jong ki briew ki ba iap hapoh custody jong ki pulit bad na ka jingshah ther kuli ha ki pulit ha ka thain Northeast shi bynta jong ka jubab halor ka jingkylli ba la wanrah da u MP u Dr Abdussamad Samandi.
Ka jingdon jong ki ba iap hapoh custody jong ki pulit bad na ka jingshah siat iap ha ki pulit ha ka thain Northeast ka long kumne harum:
Assam: Haduh 41 ngut ki ba iap hapoh custody jong ki pulit bad 22 ngut na ka jingshah siat iap ha ki pulit.
Nagaland: Uwei u ba iap hapoh custody bad uwei na ka jingshah siat ha ki pulit.
Manipur: 2 ngut ki ba iap hapoh custody bad uwei na ka jingshah siat ha ki pulit.
Meghalaya: 20 ngut ki ba iap hapoh custody bad 2 na ka jingshah siat ha ki pulit.
Sikkim: 6 ngut ki ba iap hapoh custody bad ym don ki ba iap ha ki kti jong ki pulit.
Tripura: 7 ngut ki ba iap hapoh custody bad ym don na ka jingshah siat ha ki pulit.
Mizoram: 11 ngut ki ba iap hapoh custody bad ym don ha ki kti ki pulit.
Arunachal Pradesh: 5 ngut ki ba iap hapoh custody bad 1 na ka jingshah siat ha ki pulit.
