Kular ka Sorkar ban pyrshang pyllait noh ia ka tulop ki Nonghikai SSA ha ka por ba dei

Date:

Share post:

Shillong, Lber 15 : Ka Sorkar Jylla kala kular ban shim ia ka sienjam ha kaban pyllait noh ha ka por kaba dei ia ka tulop jong ki Nonghikai SSA.

Kane ka jingkular kala mih na ka jingialang bala pynlong da u Symbud Myntri Rangbah ka Jylla Bah Prestone Tynsong ha ka jingiadon lang u Myntri ka Pule Puthi Rakkam A Sangma, bad ka kynhun ka Meghalaya Sarva Shiksha Abhiyan Schools Association (MSSASA) hynne ka sngi Balang.

U Rakkam ula pyntip ha ki Nongthoh Khubor ba ka jingialang kala iakren sani bha ia ki ishu bala pynsngew da ka Association ba kynthup ia ka jingpyllait man ka bnai ia ka tulop bad ka arrear ba dang sah.

“Ngi la pyntip sha ki ba ngi la trei ia ka kam ban pynbeit ia kine ki jingeh” ula ong.

Haba kylli, u Rakkam ula ong ba ka tulop ba dang sahteng ka dei tang arbnai namar ka Sorkar kala dep ban siew ia ka tulop kaba dei haduh u bnai Nohprah jong u snem bala lah.

“Ngi dang ap ia ka Ministry ba dei khmih ba kan pyllait ia ka Installment ba-ar hapoh kine ki 15 sngi ban wan” ula bynrap.

Kat kum ka jingong jong u, ka Sorkar Jylla kala trei iala ka kam bad mynta ka dang ap ia ka Ministry ban pyllait ia ka pisa kaba dei ban ai.

Hadien kane ka jingialang, u President ka MSSASA Bah Aristotle C Rymbai ula pyntip ba ka Association kala kyrpad ia ka Sorkar Jylla ban mang kham bun ha ka mang tyngka ka Jylla na ka bynta ka SSA na ka bynta u snem mang tyngka 2023-2024 ban lah weng noh ia ka jingeh haba iadei bad ka jingbym lah siew man ka bnai ia ka tulop jong ki Nonghikai.

Ula ong ba kane ka jingkyrpad kala mih namar ha kiba bun ki khep, ki Nonghikai kila hap ban mih sha surok ban dawa ia la ka jong ka tulop. Ula pynkynmaw ia ka jingjia ba mynshem snem ha kaba la pynbor ia ki Nonghikai ban iathiah ha surok.

“Namar kata, ngi sngew ba ka por kala dei ia ka Sorkar Jylla ban mang kham bun ka pisa ha ka mang tyngka na ka bynta ka SSA khnang ba kane kajuh ka jingeh kan nym mih shuh” ula bynrap.

U Bah Aristotle ula pyntip ba baroh arngut ki Symbud Myntri Rangbah ka Jylla bad Myntri pule puthi, kila ai ka jingkular kaba sngewtynnad ia ka kynhun.

“Kila pyntip ia ngi ba ka Sorkar kan wad ia ki lad bad ban mang kham bun ka pisa ha ka mang tyngka khnang ba lada wan slem ka pisa na ka Sorkar Pdeng, ka Sorkar Jylla kan lah la kumno kumno ruh ban siew ia ka tulop jong ki Nonghikai SSA na ka bynta lai bnai na ka mang tyngka ka Jylla” ula ong.

Halor ka kam ba iadei bad ka jingpyndap ia ki kam nonghikai ba lait ha ki skul SSA Lower bad Upper Primary ha Jylla, u Bah Aristotle ula ong “Ngi la dep iakren ia kane ka kam bad kila pyntip sha ngi ba dei namar kane ba ka Sorkar haduh mynta kam shym la mynjur ia ka jingtyrwa bala phah da ki Managing Committee jong ki skul ban pynmih jingpynbna ia ki kam ba lait”.

Share post:

spot_img

Popular

More like this
Related

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...

Sohra admin promulgates section 144 CrPC following Ichamati twin murder case

SHILLONG, MAR 28: The Sub Divisional Magistra of Sohra...

Shillong Premier League | Pynliem ka Mawlai ia ka Langsning da 1 kol

Shillong, Lber 28: Ka Mawlai SC kaba la long...

Elekshon Lok Sabha | Pdiang ka kong Fenela ia ka rai ka BJP | Yn buddien ia ka jingdawa ILP

Shillong Lber 28: Ka Kong Finela Lyngdoh Nonglait kaba...