Shillong, Jylliew 01 : U MLA barim ka Mawsynram bad Nongaiktien ka National People’s Party (NPP) Bah Himalaya M Shangpliang ha ka sngi Nyngkong, ula pynpaw ba u kwah ban bteng iaka jingshakri ha ka Jylla bad pynleit jingmut ha ka roi ka par ka Mawsynram, haba pdiang ia ka jingkynthup ia ka kyrteng jong u na ka bynta ka shuki Rajya Sabha.
“Nga sngew burom ba ka kyrteng jong nga kala paw ha ka thup na ka bynta ka kam MP Rajya Sabha ha ryngkat bad ka kyrteng u James K Sangma bad bah Hamletson Dohling” ong u Bah Himalaya haba iakren bad ki nongthoh khubor.
Haba niew ia ka NPP kum kawei na ki party ba bat ia ka synshar paidbah ha ka jingshem jong u, ula ainam ia ka jingkiew jong ka naduh u snem 2018 sha ka “jinglong nongialam ba tbit jong u Myntri Rangbah Conrad K Sangma bad iarap lang da ki arngut ki Symbud Myntri Rangbah-Bah Prestone Tynsong bad Bah Sniawbhalang Dhar”.
“Ngi la iohi ba kila don shibun ki jingkylla kiba kane ka party bad ka Sorkar kila wanrah ha Meghalaya” ula ong.
U Bah Shangpliang ula kdew ia ka jingjied ia ki lai ngut ki dkhot kum ka sakhi ia ka jingiaid ka synshar paidbah hapoh ka party.
“Mano manor uh ki lah ban long ki kyrtong ia kum kine ki kam hynrei haba kut ka don tang kawei ka kam, kumta tang uwei u briew un leit” ula ong haba pynpaw ba ka rai ba khatduh ka shong ha u National President bad u State President.
“Wat lada nga leit sha Rajya Sabha, Nga don beit na ka bynta ka party hapoh ka Jylla” ong u Bah Shangpliang.
“Ngi don shibun kiei kiei kiba hap ban leh na ka bynta ki paidbah ka Jylla. Ngin shakri ia ki paidbah, ngin pyrshang ban iarap ia ki paidbah bad wanrah kham bun ka roi ka par sha ki paidbah ka Jylla”.
 Bah Himalaya M Shangpliang ha ka sngi Nyngkong, ula pynpaw ba u kwah ban bteng iaka jingshakri ha ka Jylla bad pynleit jingmut ha ka roi ka par ka Mawsynram, haba pdiang ia ka jingkynthup ia ka kyrteng jong u na ka bynta ka shuki Rajya Sabha.){kind=link}