“Ka dei ka khyllipmat ba sngew sarong shisha” ong u CM
Shillong, Jymmang 22 : Ka jingpass jong ki khynnah ia ka eksam Secondary School Leaving Certificate (SSLC) 2026 kala kiew sha ka 97.26% hadieh ba 5,063 ngut ki khynnah kila pass ia ka eksam supplementary.
Ka Meghalaya Board of School Education (MBoSE) ha ka sngi Thohdieng, kala pynbna ia ka reslilt jong ka eksam SSLC supplementary 2026, kaba ka jingpass ki khynnah ka long 90.16%.
Na ki 5,631 ngut ki khynnah kiba iakhun ia ka eksam, 5,063 ngut kila pass. Ia kane ka eksam supplementary la pynlong ha ki 74 tylli ki centre hapoh ka Jylla.
Kat kum ki District, ka West Khasi Hills ka dei kaba bun eh kiba pass kaba kot 99.34%, bud ka Eastern West Khas Hills ba kot 99.15% bad ka South West Khasi Hills ba kot 97.43%.
Haba thoh ha X, u Myntri Rangbah Conrad K Sangma ula ai “ka jingkhublei naduh ka dohnud” sha ki khynnah pule, haba pynpaw ba ka result jong ka eksam supplementary ka pyni ia ka jingdonbor ka jingiai minot ha ka pule puthi.
Heartiest congratulations to all the students who have successfully cleared the SSLC Supplementary Examination 2026.
The SSLC Supplementary Examination has once again shown that determination, hard work, and perseverance can overcome challenges. Out of 5,615 students who…
— Conrad K Sangma (@SangmaConrad) May 22, 2026
“Ka eksam SSLC Supplementary ka pyni sa shisien ba ka jingkut jingmut, ka jingtrei shitom bad ka jingminit ka lah ban jop ia ki jingeh” ong u Myntri Rangbah.
“Na ki 5,615 ngut ki khynnah kila iakhun ia ka eksam, 5,063 ngut kila pass, kaba pyni ia ka jingjop kaba bha tam kaba long 90.17%. Da kane ka jingjop, ka jingpass baroh lang ia ka eksam SSLC 2026 ha Meghalaya kala kiew mynta sha ka 97.26%, ha kaba haduh 47,291 ngut kila pass ia ka eksam, napdeng ki 48,623 ngut ki khynnah kiba ialeh ia ka eksam mynta u snem” ula pynbna.
Haba khot ia ka “ka khyllipmat kaba sngew sarong ia ki khynnah pule jong ngi, ki Kmie Kpa, ki Nonghikai bad baroh kiba don bynta ha ka pule puthi ka Meghalaya” u Conrad ula kyntu ia ki khynnah pule kiba pass ba kin don ia ka thong ba kham shajrong.
“Sha baroh ki khynnah pule kiba la jop, nga kitbok kitrwiang ia phi na ka bynta ki kam kiba phin leh hadien habud. Iai bteng ban don ia ka thong kaba heh, trei shitom bad pynlong ia ka Meghalaya kaba sngew sarong” ula ong.
 2026 kala kiew sha ka 97.26% hadieh ba 5,063 ngut ki khynnah kila pass ia ka eksam supplementary.){kind=link}