Shillong, Lber 09 : U Deputy Commissioner ka West Garo Hills Vibhor Aggarwal, ula khot ia ka jingialang ba kyrkieh jong ka Peace Committee ha ka sngi Ba-ar, ban tem ia ka jingkynad kiba mih na ka elekshon GHADC.
U DC ula khot ia ki Nongialam shnong, ki nongialam niam, ki nongmihkhmat jong ki Development Committee ban iakren halor ka jingtem ia ki jingiakynad kiba mih hadien ka jingkhang ki Sengbhalang ia ki bar jylla ban thep kyrteng kum ki kyrtong ban iakhun ia ka elekshon GHADC.
U DC ula phah notice sha ki 28 ngut ki briew-kynthup ia u Superintendent of Police (member-secretary), arngut ki Ophisar MCS, u Chief Executive Officer, ki nongialam niam, nongialam shnong bad ka Tura Development Committee.
“…..ka jingialang jong ka peace committee lah buh ban long ha ka 10 tarik Lber 2026 ha conference hall jong ka Tura Circuit house ha ka por 10 baje mynstep. Halor kane, baroh ki dkhot jong ka peace committee, Tura bad arngut ki nongmihkhmat na man ki Local Area Development Committee la kyrpad ba kin wan sha ka jingialang” ong u DC.
