Shillong, Naiwieng 21: Ki Nonghikai deficit bala shongthait kiba don ha ka lama jong ka Meghalaya Retired Deficit School Teachers Association (MRDSTA) hynne ka sngi nyngkong, kila pyntip ban lum ia ka general meeting ha ka 26 tarik mynta u bnai ban iamir jingmut halor ka jingdawa ia ka bai bam tymmen na ka Sorkar Jylla.
Ka kyrwoh na u president ka MRDSTA u bah E. D Nongsiang u la pyntip ba kane ka jingialang kan long Laban Bengali Boys’ Higher Secondary School por naduh ka por 11: 30 baje mynstep.
Ka kyrwoh ka kyntu iaki para nonghikai ban wan ia shim bynta ha kane ka jingialang ban iakren halor ka bai bam (Pension) bad DCRG bad ka jingiakynduh ia Myntri Mangbah ka jylla haba iadei bad kane ka phang.
