Shillong, Naiwieng 21 : U Myntri Rangbah ka Jylla Conrad K Sangma hynne ka sngi nyngkong, ula plie paidbah ia ka Namdong C&RD Block ha West Jaintia Hills ha ka jingiadon ryngkat u Myntri pynroi sor ma Sniawbhalang Dhar bad MLA ma Wailadmiki Shylla.
In line with the aspirations of the people, may the new Namdong C&RD Block open new avenues of progress for the villages and its people.
— Conrad Sangma (@SangmaConrad) November 21, 2022
Haba kren ha ka jingialang, u Myntri Rangbah ula ong ba ka jingpynkha ia kane ka Block ba thymmai kan wanrah ia ka jingshakri jong ka Sorkar shajan jong u paidbah.
“Kane ka Block ba tnymmai kan pynthikna ia ka jingpyntreikam pura ia ki skhim ban kyntiew ia ki shnong ki thaw. Kumba la angnud da ki paidbah, ka Namdong C&RD Block kan plie ia ka lynti jong ka roi ka par ka Shnong bad ki nongshongshnong” ula bynrap.
U Myntri Rangbah ula ong ba wat hapdeng shibun ki jingeh bad jingkyrduh pisa, ka Sorkar Jylla kala lah ban pynmih pisa ban pyntyllun ia ki kam pynroi bad wanrah ia ki project na ka bynta ka bha ka miat u paidbah.
“Kum ka Sorkar, ngi la pyntreikam ia ki project kiba la sahteng da ki snem. Ka Sorkar jong ngi kala pyntyllun sted ia ki kam pynroi pynpar. Ha kine ki saw snem shiteng, ka Jylla kala sakhi ia ka jinglong janai ha ki kam pynroi bapher bapher” ula bynrap.
U Conrad u pyntip ba kane ka Block kan sdang treikam noh mardor.
Ha kane ka jingleit iuhkjat ha Namdong, u Myntri Rangbah ula plier uh ia ka Namdong CHC bad buh nongrim ban kyntiew kyrdang ia ka surok Jowai-Nartiang-Kdiap-Khanduli bad ia ka Grater Mukhnang Lumrot Water Supply Scheme.
Ha kajuh ka por, ka Sorkar Jylla hynne ka sngi kala pynmih ia ka jingpynbna ban pynkha sa ia ka Ri-muliang C&RD Block ha West Khasi Hills District. Ia kane la pyntip da u Principal Secretary ka Tnad C&RD ka Jylla.
Ki shnong kiban hap hapoh ka Ri-Muliang C&RD Block ki kynthup ia ka Ranighat, Moipara, Umshiak, Salpara, Aradonga, Rangolpara, Rangsapara, Kamphaduli, Athiabari, Umsaitwait, Balapara (Nongshyiap), Sohmarang, Nongdron, Noapara, Megadop, Mawkhrang, Waregro, Banjeng, Lejadubi, Baspani, Malapara, Chisimpara, Kamriangsih, Khasi Salbari, Maspara, Upper Kijiang, Thunaguri, Upper Rangsa, Nongma, Nongmawlong, Iew Nongma, Nurmati (Mawram), Tynghor, Madan Jaiaw, Nongkhlain, Mawthawkrah, Nongmawlein, Nongthymmai, Mawribah, Mawlan A, Mawlan B, Umpha, Mawsikar, Unbyrsit, Mawdiangsnam, Umyiap, Nongrim Hills, Mawkapiah, Niangbyrkong, Umwahsiang, Umdiangsiar, Kyndongngei, Langpih, Umwahli, Umwahlang, Ktiehthawiar, Mawjari, Nongsohram, Mawsngi, Nonglang, Domtiehsaw, Langja, Mawkhap, Kyrdum, Umthlu, Khyllem Sangrin, Domjarain, Umthlong, Umtap, Mawmareh bad Nongthymmai.
