Shillong Nailur 12: Uwei u samla uba niah thuk thuk ula khlad ha shen, na ka jingjia aksiden kaba la jia ha ka surok bah ha Ryndang Briew, Mawiong Rim.
Katkum ka khubor kaba la iohlum na ki pulit, la iathuh ba katei ka aksiden kala jia ha ka sngi Palei ha ka por kumba 4 baje nohphai sngi, ha kaba une u samla uba niah ia ka Bike Pulsar ML05 V 6580, ula leit tynrah nadien ia kawei ka Tata Sumo ML10-C-9621 kaba dang hiar sha ka thain Umiam.
Une u samla ula mynsaw jur na ki bynta jong ka khlieh hynrei la pynbna iap ia u hadien ba poi sha Civil Hospital Shillong.
