Nongstoin, Risaw 14 : Ka Ambulance jong ka Aradonga PHC ba don u nombor NL.07 T-1019, kala kem ding bad pluh kynsan hynne ka janmiet sngi Balang ha surok Aradonga-Riangdo.
Ki Pulit ki iathuh ba kane ka jingpluh kala jia ha ka por ba kane ka ambulance ka dang don ha lynti ban leit sha ka medical camp ha Riangdo ha ka thain Sigunbari.
La iathuh ba u nongniah ula ioh kynthih na ka kali bad lait na ki jingma bad ka ding kala pynjulor klai bha ia ka kali.
Ki Pulit ka Fire and Service Emergency na Roangdo kila hiar pynsted sha katei ka jaka ban peitthuh ia ka jinglong jingman.
La pyntip ba ka daw jong ka jingpluh ka dei namar ka jingthut ki waiar hapoh ka kali kumba la pynpaw da u nongniah.
