Shillong Nailur 12: Ki pulit ka Mawryngkneng hynne ka sngi Thohdieng, kila ioh kem ia uwei u rangbah uba suba donkti ha ka jingwing diang ia ka iingmane jong ka Balang Presbyterian ha Pomlahier, Mawryngkneng, kaba la jia ha ka 15 tarik u Nailar 2025.
Katkum ka kyrwoh na u Superintendent of Police ka EastKhasi Hills, la pyntip ba ki pulit ka Mawryngkneng ha ka 16 tarik u Nailar kila ioh pdiang ia ka ejahar kaba la ujor da ki nongialam jong ka Balang Presbyterian Pomlahier ba iathuh ba ha ka 15 tarik u Nailar ha ka por kumba 2 baje mynstep, la don kiba wiangding ia ka iingmane, ha kaba ki dieng, ki shuki plastik bad ka madan kaba siang da ka dieng kala julor.
Ki Pulit ki la rejistar case ha Mawryngkneng P.S ha ka Case No. 34(08)2025 U/S 326 (g) BNS bad ha ka jingtohkit la shem ba kane ka jingjia kadei kaba la jia ha ka sien ka b-aar.
Ha ka 11 tarik u Nailur, la ioh jingtip ba la don biang ka jingpynpait ia ka jingkhang iit jong ka iingmane bad ha ka jingtohkit, la ioh jingtip ba u Bajiedstar Kharsati, 47 snem ka rta ula pynpait ia kane ka jingkhang iit bad namar ka jingsheptieng ban shah ktah kti ha ki paidbah kumta ula phet noh sha khlaw.
Hadien ka jingthwet bad ka jingwad da ki pulit ka Mawryngkneng, la iohkem ia u hynne ka sngi Thohdieng bad la ialam noh sha Mawryngkneng CHC ban khmih bniah ia ka jinglong jingman ka koit ka khiah.
U SP ula pyntip ba la paw ba une u rangbah ym biang ha ka rukom pyrkhat pyrdain ne ktah khlieh, kumta la ialam noh ia u sha MIMHANS bad mynta u don hapdeng ka jingshah sumar ha kane ka hospital.
