Khatduh ioh pynpoi ki helicopter ka Air force ia ki marbam ha Maheskola

Date:

Share post:

Tura, Jylliew 21: Ki shipai ka Indian Air Force hynne ka sngi ba-ar kila lah ban pynpoi ia ki marbam bad ki tiar ba donkam sha ki Nongshongshnong jong ka Maheskola, kaba la shah khangkdong da ki jingjia twa khyndew na baroh ki liang bad dkut lut ki lad pyniasoh bad ka Jylla.

Baroh ka thaiñ Siju, Mahadeo, Maheskola kala dkut na ka jingpyniasoh bad ka Jylla mynta la san sngi hadien ka jingther u slap ha ka 17 tarik u Jylliew, uba la wanrah ia ka jingshlei um bad ka jingtwa khyndew ha kiba bun ki jaka bad ba shim ruh ia ka jingim ki hynriew ngut ki briew katba arngut pat ki dang jah rngai.

Kumba pynmih khubor da ka Shlem hynne ka step, ki shipai India Air Force kila pyndonkam iaki helipcopter na Guwahati Air Station ban wan sha Shillong ha kaban kit ia ki marbam sha Maheskola hynrei ka mariang ka khlem ailad satia ia ki helipcopter ba kin hiar sha kane ka thain, bad pynbor ia u pilot ban wan phai noh.

Ha ka por shiteng sngi, ki helipcopter kila pyrshang ban rung biang ha ka thain Maheskola ryngkat bad ki mar bam hynrei namar ka jingther u slap bad ka jingrben u lyoh, u pilot ula hap phai noh bad wan phai shala ka jong ka ktem hynrei ia ki marbam la ioh ban shu pynhap ha ki jaka kiba long shngain.

Ki shipai Air Force kin pyrshang biang ban hiar mynta sha sngi sha kiwei pat ki jaka ba jurka jingshah lynshop ha South Garo Hills kiba la dkut ha ki lad pyniasoh bad ka Jylla bad bala buh ia kine ki jaka hapdeng ka jingsdang kyrduh bam.

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...