Khlem lah pyntreikam ka Sorkar ia kiba bun ki hukum ka Supreme Court bad NGT halor u dewiong

Date:

Share post:

Shillong, Jyllew 21: Ka Sorkar Jylla kam shym la lah ban pyntreikam ia kiba bun ki hukum bala pynmih da ka Iingkashari Supreme Court bad ka National Green Tribunal (NGT) ha ki katto katne snem bala leit noh ba iadei bad kam kam dewiong.

Ia kane la sei madan da ka kaiphod ba malu mala bala aiti da u Justice (Retd) BP Katakey hakhmat ka Iingkashari Meghalaya High Court, kaba la pan jingpynshai mynta na ka Chief Secretary ba balei ba ym dei ban leh eiei pyrshah ia ki Ophisar Sorkar namar kane ka jingbym pyntreikam ia ki hukum.

“Na ka jingpule ia kane ka kaiphod, kala paw shai ba bun ki hukum kim pat treikam watla ia kane ka jingbthah la pynmih la bun snem mynta” ong ka Iingkashari Full Bench ba kynthup ia u Chief Justice Sanjib Banerjee, Justice HS Thangkhiew bad Justice W Diengdoh haba shong bishar ia ka PIL hynne ka sngi ba-ar.

U Justice (Retd)BP Katakey uba la shah thung ban peit ban pynthikna ba baroh ki hukum jong ka Supreme Court bad ka NGT ba iadei bad ka jingtih dewiong ha Jylla ki dei kiba la pyntreikam, ula aiti ia ka kaiphod ba nyngkong ha ka 20 tarik u Jylliew sha ka Iingkashari.

Ka kaiphod u Justice Katakey ka kynthup ia baroh ki jingdonkam ba kdew ia ki jingai jingmut bala pruid dak ha ka kaiphod ba la pynkhreh malu mala ha ka sien ba nyngkong, ka sienkam bala shim kat kum ka kaiphod bala ioh pdiang ha ka 4 tarik u Jylliew 2022 bad ka sienjam bala shim kat kum ka kaiphod ba la ioh pdiang ha ka 15 tarik Jylliew 2022.

Ka Iingkashari kaba hukum ba ia ki affidavit ba hadien halor kane ka kam, dei ban file da ka Sorkar Jylla lyngba ka Chief Secretary naba ka Chief Secretary ka dei kaba la shah tynrong ia ka jingkitkhlieh ban pynthikna ba baroh ki hukum kin treikam.

“Ka Chief Secretary kan batai ruh balei ba ym dei ban ai jingmut da ka Iingkashari ha kaban pynshitom ia ki Ophisar namar ka jingbym lah jong ka Jylla ban pyntreikam ia ki hukum bala pynmih ha kiba bun tylli ki snem bala leit noh” kala ong.

Ka Iingkashari kala ong ba kaei kaba paw ka long ba ka Jylla kam kwah satia ban pynshitom ia ki briew kiba donkti ne ba dang bteng ban leh ia ka kam tih dewiong be-aiñ namar kiba bun ki daw.

Ka Iingkashari kala hukum ruh ba ki bor Sorkar ki dei ban shim ia ki sienjam ba mardor ban pyniaid iew noh ia u dewiong bala tip mynsuwa khnang ba yn ym lah ban pyniakhleh lang bad u dewiong ba dang shu tih thymmai.

Kala ong ruh ba ka Coal India Limited kum ka liang mamla ha kane ka mukotduma, ka dei ban pynthikna ba kan pyniaid iew noh kham kloi ia u dewiong ba dei ban lilam. La bthah ia ka Coal India Limited ba kan leit hajir hakhmat jong u Justice Katakey ban pynthikna ba u dewiong barim u dei ban lah pyniaid iew noh kham kloi kat kaba lah.

Ka Iingkashari kala buh ban bishar biang ia kane ka kam ha ka 12 tarik u Naitung.

Share post:

spot_img

Popular

More like this
Related

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...

Sohra admin promulgates section 144 CrPC following Ichamati twin murder case

SHILLONG, MAR 28: The Sub Divisional Magistra of Sohra...

Shillong Premier League | Pynliem ka Mawlai ia ka Langsning da 1 kol

Shillong, Lber 28: Ka Mawlai SC kaba la long...