Shillong, Jymmang 30 : Ka National Highways & Infrastructure Development Corporation Limited (NHIDCL) kala pynbna ban khang noh shuwa ia ka surok ban leit Sohra na 7 mer, Upper Shillong namar ka jingtwa khyndew bad jingtyllun u maw bah hapdeng ka surok.
Ka NHIDCL ka pyntip ba uwei u mawbah ula tyllun nalor lum hapdeng ka surok Mylliem-Umtyngar ryngkat bad ka khyndew kaba la khang syndon ia ka surok ban iaid ban ieng.
Ka pyntip ba ka hap ban shu pynbthei da ki bomb ia une u maw ban lah pynkhuid ia ka surok. Namar kata, kala pynbna ba kan khang shuwa ia ka surok naduh 7 mer- ka ban leit shaphang ka Sohra tad haduh ban da lah pynkhuid ia une u maw bad ka khyndew.
La pyntip ruh ba kawei ka kali kit umphiang kala sahkut hapdeng jong kane ka jingtwa khyndew.
U Addl Deputy Commissioner & CEO ka DDMA, ula kyntu ia ki paidbah ba kin iaid noh na ka surok Lum Shillong bad mih sha Pomlakrai-Laitlyngkot.
Nalor kane, ka jingtwa khyndew kala jia ruh ha ka thain Langkyrdem, kaba la buh ha ka jingma ia ka leit ka wan jong ki kali.
Ki bor khmih kila kyntu ia ki paidbah ba kin kiar na ka jinghiar sha ka thain Pynursla lada kam dei ka kam kaba kyrkieh eh lane ban iaid noh na kiwei pat ki lynti kum na Jowai-Dawki ne na Sohra-Nongjri.
 kala pynbna ban khang noh shuwa ia ka surok naduh 7 mer, Upper Shillong namar ka jingtwa khyndew bad jingtyllun u maw bah hapdeng ka surok.){kind=link}