Shillong, Lber 26: Ki pulit jong ka Lumshnong hynnin ka sngi kila ioh kem ia uwei u nongdie Drok bad kila ioh kurup na u 125 gram u drok uba la suba u dei u Heroin.
U SP ka East Jaintia Hills ula pyntip ba ha ka miet jong ka sngi saitjain katba ki pulit ki dang pynlong iaka jingkhynra iaki kali, kila pynlong iaka jingtalasi ia kawei ka kali Sumo kaba don ia u numbor MLO5J 8725 bad kila lap ia u drok Heroin uba la thep ha ki 10 tylli ki synduk thep sabon uba don baroh 125.19 gram.
Ki pulit kila pyntip ba kila kem noh ia u Sanju Haque Lasker 29 snem ka rta bad la pynngat noh ia u ha ki kyndon jong ka NDPS Act.
Na u Sanju la ioh kurup ia u drok Heroin, ka pisa T.4550 bad ki kotdonkam kiba kynthuo iaka EPIC,AADHAR, Pan Card, DrivingLicense bad e-SHRAM.
