Guwahati, Nailar 01: Ka National Investigation Agency (NIA), ha ryngkat bad ki pulit ka Cachar, kila kem ia u wei u briew uba donkti ha kaban pyniap ia ki hynriew ki jaidbynriew Meitei kynthup ia iwei i khyllung ha Jiribam District jong ka Jylla Manipur ha u snem ba la dep.
Une u briew uba la shah kem la tip kyrteng kum u Thanglienlal Hmar ia kaba ju khot sin da u Boya, uba shong basah ha ka shnong Moinathol ha Dilkhosh Grant, Cachar.
U SSP jong ka Cachar u Numal Mahatta ula ong, ba u Hmar u don ia ka bynta ba kongsan bha ha ka jingrahbor bad hadien kata ka jingshah pyniap jong kitei ki lanot.
Katkum ka jingtohkit, u Hmar ula pyndonkam da ka lieng jong u ban kit ia kitei ki 6 ngut ki briew kiba kynthup ia 3 ngut ki kynthei bad lai ngut ki khunlung ha ryngkat bad lai ngut ki briew kibala rah ia ki tiar pynmynsaw na Jakuradhar Ghat ban leit sha ka shnong Kaisalpunjee Ghat.
Baroh kine ki lanot kidei ki jaidbynriew Meitei bad kila shah rahbor na Jiribam, ka district kaba don marjan bad ka Assam. Ia ka met jongki la lap ba ki per ha ka wah bad ia kine la tip kyrteng kum ka Yumrembam Rani Devi (60) snem, ka Telem Thoibi Devi (31) snem bad ka khun jongka, ka Telem Thajamanbi Devi (8) snem, ka Laishram Heithoibi Devi (25) snem, bad ar ngut ki khun jongka, ka Laishram Chingkheinganba Singh (2 snem 5 bnai) bad ka Laishram Lamnganba Singh kaba dang don 10 bnai.
Kane ka jingshah kem kala wan hadien lai taiew ba ka Manipur High Court kala bthah ïa ka NIA ban aiti ïa ka kaiphod halor kane ka kam bad tang ar sngi hadien ba kala bthah ïa ka tnad ban ai ïa ka Chargesheet hapoh shibnai.
, ha ryngkat bad ki pulit ka Cachar, kila kem ia u wei u briew uba donkti ha kaban pyniap ia ki hynriew ki jaidbynriew Meitei kynthup ia iwei i khyllung ha Jiribam District jong ka Jylla Manipur ha u snem ba la dep.){kind=link}