New Delhi, Nailur 23 : Ka National Investigation Agency (NIA) ha ka sngi Thohdieng, kala kem ia uwei u nong Manipur u Moirangthem Anand Singh ha ka case ba iadei bad ka jingiasuhbuit bad ki Nongialam ki kynhun lehnoh na Myanmar ban hiar thma ia ka Sorkar India, da kaba iashim kabu na ka thma iapher Jaidbynriew hapoh Manipur.
Ka NIA kala register suo moto case pyrshah ia u Morangthem ha ka 19 tarik Nailur, 2023 ha New Delhi.
Ka jingtohkit ia ka RC 23/2023/NIA/DLI da ka NIA kala lam sha ka jingsei pyrthei ia ki jingiasuhbuit jong ki Nongialam ki kynhun kaikhlaw ha Myanman kiba la pynrung dkhot ia ki Over Ground Workers (OGW), ki shipai bad ki nongkyrshan ha kaban pynkhlain ialade ha kaban hiar thma ia ki bor pahara bad ki kynhun Jaidbynriew liang pyrshah da kaba shim kabu ia ka jinglong jingman ba jia mynta ha Manipur.
Namar kane, kine ki Nongialam kila ialum ia ki tiar siat, ki kuli bad ki bomb da ki lynti ba beain kynthup ka jinghiar hiar ia ki jaka tuh tiar ka Sorkar ban ioh rong tuh ia ki tiar ki tar.
Ia u Moirangthem la kit noh sha New Delhi hadien bala kem ia u bad la ialam tian bishar ia u hapoh ka Jurisdictional Court myn ha ka 23 tarik Nailur, 2023.
Ka Iingkashari kala phah ia une u briew sha ka Police Custody ba san sngi tad haduh ka 27 tarik Nailur, 2023. Ka jingtohkit ia une u briew ka dang iaid shakhmat.
