Shillong, Naitung 18 : Ki Pulit ka Anti Narcotics Task Force (ANTF), kila ioh kem ia u nongkhaii ganja ha ka janmiet sngi Thohdieng bad ioh kurup ia bun bah u ganja na ka pla ba u ieh hajan Iew Polo.
Une u nongkhaii ganja u kyrteng u Nijimu Fithu, ba 24 snem ka rta, uba dei na Kenuozou Colony, Kohima Sadar, District, Nagaland.
Kat kum ka jingiathuh u Superintendent of Police ka East Khasi Hills, Bah Vivek Syiem, ki Pulit kila lap ia kawei ka pla iong kaba la ieh ha Iew Polo ha ka por 2 baje janmiet bad u Nijimu Fithu, ula wan mih ha kane ka jaka bad kam trai ia kane ka pla.
Ban pynthikna ba ka pla ka dei kaba shngain, ka kynhun ki Pulit Bomb Squad kila hiar sha katei ka jaka bad kila pynlong ia ka jingtohkit bad khmih bniah ia kane ka pla ban pynthikna ba kam don jingma eiei ruh em.
Hynrei, ha ka jingtohkit, ka kynhun kala lap pynban ia bun tylli ki song ganja hapoh ka pla. Mar kumta, kila pyntip noh sha ka kynhun ANTF ba kan wan leh ia kaba donkam.
Ka jingtohkit ia kane ka jingjia ka dang iaid shakhmat.
, kila ioh kem ia u nongkhaii ganja ha ka janmiet sngi Thohdieng bad ioh kurup ia bun bah u ganja na ka pla ba u ieh hajan Iew Polo.){kind=link}