Shillong, Lber 17 : Ka kynhun ki Pulit Anti Narcotics Task Force (ANTF) ka East Khasi Hills, hynnin ka sngi kala ioh ban kem ia 6 ngut ki briew bad ioh kurup ia u droks ba khia 78 gram na ka thain Lower Lachumiere.
Kane ka jingiohkem bad jingioh kurup droks kala wan jia ha ka jingkhynra jong ka ANTF kat kum ka jingioh khubor ba thikna ia ka jingdon kitei ki briew ha kane ka thain.
Ka kynhun kala ioh ban kurup ia u droks ba khia 77.02 gram bala thep ha ki 5 tylli ki synduk sabon bad 1.71 gram bala thep ha ki klong plastic ba rit (vials) nalorka scooty, 6 tylli ki mobile phone bad ka pisa ba T.1,26,500.
