Tura, Lber 17 : Ka ding kaba klang bha, kala bamduh ia 10 tylli ki dukan kynthup artylli ki dukan khaw ha Iew Rongjeng, East Garo Hills hynnin ka miet Palei, kaba lam sha ka jingjulor kaba kot palat T. 20 lak.
Ki Pulit ka Rongmil Outpost kaba don marjan ka Rongjeng, kila ioh ia ka phone case shaphang kane ka jingpluh ha ka por 2.17 baje mynstep bad mar mar kila phah ia ki kali pynlip ding ban lei tai jingiarap.
Da ka jingpoi kloi ki kali pynlip ding, la lah ban tehlakam ia ka ding na ka jingpur sha ki dukan kiba marjan. Hynrei ki 10 tylli ki dukan kila iingkhong khait.
Haduh mynta ym pat lah ban tip ia ka daw tynrai halor kane ka jingjia bad ka jingtohkit mynta ka dang iaid shakhmat.
Hynnin hi ka miet, ka jingpluh ding kaba shyrkhei kaba jia ha ka Iew Ringrey kaba la jia shuwa ia ka jingjia ha Rongjeng. Kane ka jingjia ha Iew Ringrey kala jia ha ka por 12: 30 baje hajan ka ML Restaurant bad ka dukan kaba pluh ka dei ka dukan marbar. La suba jur ba ka jingpluh hangne ka dei na ka jingthut ka bording elektrik.
