Shillong, Naiwieng 07 : U President ka Meghalaya Pradesh Congress Committee (MPCC) Bah Vincent H Pala, ha ka sngi Palei, ula ong ba ka Congress kam don jingeh satia ban ioh kyrtong ban iakhun ia ka elekshon MDC ha Ri-lum Khasi bad Jaintia namar ka jingwan pyniasoh ki briew sha ka party kala nang nang bun katba nang iaid ki sngi.
Hadien ba pdiang ia ka jingwan pyniasoh ki briew na West Shillong Constituency, u Bah Pala ula ong “Da ka jingwan jong ka elekshon District Council, kiba bun ki briew kila long kiba la khreh ban iakhun ia ka elekshon”.
Kito kiba pyniasoh sha ka party ki kynthup ia u Gerrald Shullai, u dkhot barim ka UDP bad ka kynhun jong u, u Avner Pariat uba iakhun ia ka elekshon MLA 2023 na ka VPP na East Shillong bad kiwei kiwei.
U Bah Pala ula ong ba bun ki kynhun na Nongthymmai constituency, khamtam na ka Trinamool Congress (TMC) bad kiwei na Umroi, Ri-Bhoi, kin sa wan pyniasoh sha ka party hadien ka elekshon shiteng samoi ha Gambegre.
Haba pynpaw ba kam don jingkyrduh kyrtong da ka jingwan iasoh bun ki briew sha ka party, une u Nongialam ka Congress ula ong “Ngi la ioh kyrteng ha 25 na ki 29 tylli ki constituency ha KHADC. Sa 4-5 seat ngi dang donkam ban ioh kyrtong lem kumta ngim don jingeh satia”.
“Ki don ha ki katto katne ki jaka, ngi don palat ia uwei u kyrtong bad katto katne pat kiba palat ia arngut ki kyrtong” ula bynrap.
Haba kylli, u Bah Pala ula ong ba da ki hajar ngut ki nongkyrshan ka TMC bad NPP kila wan ban iasoh sha ka Congress.
Ula pynpaw ruh ba bun ki MLA barim, MDC barim bad ki Chairman barim ki ADC kila wan ban pyniasoh sha ka Congress ha Ri-lum Garo. Hadien ka elekshon shiteng samoi, ngin sa pdiang noh ia ki sha ka seng.
 Bah Vincent H Pala, ha ka sngi Palei, ula ong ba ka Congress kam don jingeh satia ban ioh kyrtong ban iakhun ia ka elekshon MDC ha Ri-lum Khasi bad Jaintia namar ka jingwan pyniasoh ki briew sha ka party kala nang nang bun katba nang iaid ki sngi.){kind=link}