Agartala, Jylliew 27 : Ka Seng BJP ka la jop 3 na ki 4 tylli ki seat ha ka ilekshon shiteng samoi ba la pynbna ha ka sngi U Blei ba la lah, katba ka seng Congress ka la ioh kawei ka seat.
U Myntri Rangbah ka jylla u ba dei ruh u kyrtong ka BJP u Manik Saha u la jop na Bordowali constituency.
Na Agartala constituency, u Sudip Roy Barman jong ka seng Congress u la ioh ia ka jingjop.
Kumjuh ka Swapna Das ka BJP ka la jop na Surma bad ka Malina Debnath ka la jop na Jubarajnagar constituency.
Ka jingiathep vote na ka bynta kane ka ilekshon shiteng samoi sha ki sawtylli ki Assemblcy constituency ka la long ha ka 23 tarik mynta u bnai.Na ki 1,89,032 ki nong thep vote, haduh 78.58 per cent ki la pyndep ia ki hok ki jong ki hapdeng ki katto katne ki jingjia jong ka jingkynad.
