spot_img

Phah leh DNA ka Lakhimpur MCH ba kynnoh bujli khunlung ka Longkmie

Date:

Share post:

North Lakhimpur, Jylliew 27: Ki bor ba dei khmih ka Lakhimpur Medical College Hospital (LMCH) ki la hukum na ka bynta ban pynlong da ka DNA test na ka bynta i khunlung i ba dang shu kha hadien ba ka longiing jong ine i khunlung ka la suba jur ba ka don ka jingbujli ia i khunlung jong ki.

Kane ka jingjia ka la jia ha kane ka sngi U Blei ba la lah ha LMCH, kata hadien ba kawei ka longkmie ka ba la kha ia u khunlung shynrang ha kane ka sngi Saitjain ba la lah, ka la shem pynban ba i dei da i khunlung kynthei.

Kane ka longkmie ia ka ba la tip kyrteng kum ka Chayanika Das la ong da ki nos hapoh ka jaka kha ba ka la ioh da u khun shynrang ha kane ka jan miet sngi Saitjain ba la lah ha katei ka hospital.

Hadien kane la pynkynriah noh ia ka sha ka jaka thiah (ward) ha ryngkat ine i khunlung da ki nos ki ba don ha ka kam.Hynrei ha ka step sngi U Blei ka ba bud na ka liang ki ba haiing hasem jong kane ka longkmie ki la shem pynban ba ine i khunlung i dei i kynthei.

Ki ba haiing hasem jong kane ka longkmie ki la kynnoh ba ki la ioh pdiang pynban da i khun kynthei ha ka jaka jong u shynrang kumba la pynbna da ki nos ha ka jaka kha.Kane ka la wanrah ruh ka jingkhihwin hapoh kane ka hospital ka ba la pynlong ia ki bor ba dei khmih ba kin dawa ban pynlong ka jingtohkit.

Katkum u Dr Nikhil Kakaty, Superintendent ka LMCH, u la ong ba kane ka jingjia ka dei namar ka jingbakla briew.u la ong ruh ba ha ka kot rejistar la thoh ba i dei i khunlung shynrang, hynrei watla katta u la ong ban pynkut ia kane ka jingartatien kin leh da ka DNA test bad ia ka footprint analysis jong i khunlung.

Share post:

spot_img
spot_img

Popular

More like this
Related

Plie ka MIDC ia ka Business Facilitation Centre ban pynsuk ia ka jingsengjam ha Jylla

Shillong Jylliew 19: Ka Meghalaya Industrial Development Corporation Ltd....

Pyniaid ki Crorepati ia ka Sorkar Arunachal Pradesh bad Sikkim

Guwahati, Jylliew 19: Kaei kaba ka Jylla Arunachal Pradesh...

Pynkup burom ka MEPA ia 2 ngut ki Journalist ba ioh khusnam na Meghalaya

SHILLONG, JUNE 19: Ka Meghalaya Editors’ and Publishers’ Association...

Aibor ka Sorkar ha ki DC ban rai ia ka Roster System ha ki District

Shillong, Jylliew 19 : Ka Kynhun Myntri ka Sorkar...
spot_img