Shillong, Nailr 18: Ka Sorkar Jylla kala dep ban lilam palat 1.65 lak MT u dewiong bala ioh kurup bad bym don ba kam da ki Deputy Commissioner bad ki bor Sorkar na ki District bapher bapher kaba long kat kum ka kyndon 21 jong ka MMDR Act.
Ia kane ka pyntip da u Myntri Rangbah ka Jylla Conrad Kongkal Sangma ha ka jubab ba la wanrah ha ka Dorbar Synrai ba dang shu kut jong ka Iingdorbar Thaw Ain.
Kat kum ka jingong jong u, u dewiong bala ioh kurup bad bala dep ban lilam naduh u snem 2018-2019 u long 34,082 metric tons ha East Garo Hills district, 79,469.775 MT ha South Garo Hills district, 57,340 MT ha East Jaintia Hills, 48,209.41 MT ha South West Khasi Hills bad 60,152.48 MT ha West Khasi Hills district.
Ia une u dewiong lah dep ai bad kit da ki briew ba shah jied ha ka jingthep tender.
Hynrei u pyntip pat ba ki briew ki bym pat lah satia ban kit ia une u dewiong ki kynthup ia u Pukash N Sangma – 1752.35 MT bad Dominic Myrthong – 43,676.48 MT namar ka jingtuklar jong ka Iingkashari.
