Shillong, Nailur 18: Haduh 69 tylli ki application lah ioh ban pdiang na ki Nongsengkam/kompani shimet ban ioh jingbit na ka State Pollution Control Board naduh u snem 2018-2019 haduh mynta na ka bynta ban seng ia ki karkhana coke hapoh ka Jylla.
Napdeng kine, 47 tylli ki dei kiba ha East Jaintia Hills District, 14 tylli ki West Khasi Hills District, 6 tylli ha South West Khasi Hills District bad 2 tylli ha West Jaintia Hills District.
Ia kane la pyntip da u Myntri ka Tnad Khlaw ka Jylla James K Sangma ha ka jubab ia ka unstarred question bala wanrah hapoh ka Dorbar Synrai ba dang shu kut jong ka Iingdorbar Thaw Ain.
Ki karkhana coke kila ioh ia ka Consent to Operate (CTO) ha kine ki snem kine ki kynthup ia 10 tylli ha East Jaintia Hills, 4 tylli ha West Khasi Hills bad 1 ha West Jaintia Hills.
Ki karkhana coke kila dang shu dep mynjur ban ai ia ka CTO ki kynthup ia 12 tylli ki dei ha East Jaintia Hills, 4 ha West Khasi Hills bad 1 ha West Jaintia Hills.
