Shillong, Jymmang 04: Ka jingiakhih shong kyllain mungor ba khlem pud sngi da ka Khasi Students’ Union (KSU) ka la jam sha ka sngi kaba saw mynta ka sngi ban pynbor ia ki bor pyniaid ka North Eastern Indira Gandhi Regional Institute of Health & Medical Sciences (NEIGRIHMS) ba kin pyntreikam noh ia baroh ki jingdawa kynthup ka jingbhah thungka ba 80:20 ia kynthei bad shynrang ha ka kam nurse.
Ka KSU ka la pynbna ruh ba ka jingiakhih kan dang bteng daka ba kyntait beit ia ka jingkam u Director ka NEIGRIHMS Dr N Mehta ba katei ka Institute ka dang ap ia ka jingmynjur naka tnat Ministry of Health & Family Welfare ka Sorkar Pdeng.
“Ngi kyntait ia ka jingkam jong u Director. Ka jingdawa jong ngi ka long kaba shai ba ka NEIGRIHMS ka dei ban wanrah ia ka polisi kaba donkam kumba la leh ha kiwei pat ki Jylla ban pyntreikam ia ka jingbhah thungkam ba 80:20 ia ki kynthei bad shynrang ha ka jingpynrung kam nurse” ong u chairman ka KSU Employment Cell u Reuben Najiar haba bynrap baka seng kan dang bteng ia ka jingiakhih haduh baka NEIGRIHMS kan pynurlong ia ki jingdawa.
Haba kylli, u samla Reuben u la ïathuh ba ka All India Institute of Medical Sciences (AIIMS), Regional Institute of Medical Sciences (RIMS) ruh ki pyntreikam ïa ka jingbhah thungkam ba 80:20 ia ki nos kynthei bad shynrang bad kim shym la donkam ban pan jingbit eiei na ka Tnat Ministry of Health & Family Welfare ka Sorkar Pdeng namar ba ki la don ïa ka polisi kaba biang ha ka jaka jong ki.
“Ka Ministry ha ki shithi ba mynshuwa jong ka ka la ai jingmut tang ïa ka NEIGRIHMS ban wanrah ïa ki jingkylla kiba donkam ha ka polisi thung kam jong ka. Ka Governing Council jong ka NEIGRIHMS kaba kynthup ïa ki nongmihkhmat na ka Ministry, ka Sorkar Jylla kynthup ïa u Director bad kiwei kiwei ki heh Sorkar ka lah ban shim rai khlem da donkam ban don bynta ka Ministry. Namar kata ka shong haka mon jong ka NEIGRIHMS ban leh ia kata” u la ong.
“Lada ka Ministry ka ailad ia ka AIIMS, RIMS ban pyntreikam iaka jingbhah 80:20 kynthei bad shynrang ha ka jingpynrung kam nursei, balei kan khang ia ka NEIGRIHMS ban leh kumjuh” u la buh jingkylli.
U la bynrap shuh shuh daka ba ong “Ka Ministry kam khang hynrei ka jingeh hangne ka long ba ka NEIGRIHMS kam don ka polisi halor kane. Ngi la shim ia kane ka kam naduh u snem 2023 hynrei u Director um shym la shim ia kino kino ki sienjam ban wanrah ia ki jingkylla kiba donkam ha ka polisi thung kam.”
Halor kiwei pat ki jingdawa jong ka seng, u chairman ka KSU Employment Cell u la ong, “Kawei pat ka jingdawa kaba kongsan ka dei bad ka jingbuh kyndon ia ka rta. Baroh kine ki snem, ki la kdew ia ka 35 snem ha ka jingpynbna jong ki bad mynta, ia kane la pynduna sha ka 30 snem. Kane ka dei hadien ba u Director u la thoh sha ka Ministry bad hadien ka Ministry ka la jubab ba ka rta haduh mynta ym pat pynbna paidbah”.
“Ngi dawa ruh ba dei ban buh ia ka jaka thoh eksamin thungkam ha Shillong”u la bynrap.
Nalor kane u samla Reuben Shuh u la ïathuh ba ka seng ka la ju dawa ban bishar bniah haha iadei bad ka roster register.
“Ngi la ïohi ruh ïa ki katto katne ki jingbym ïahap ha ka thup kyrteng. Ha ka jingshisha ki la pynkylla ruh ïa ka jingpynbna laitkam kaba mynta ha kaba la pynkylla ïa ki katto katne ki seat na ka OBC sha ka kyrdan open category. Kane ka pyni shai ba ki don ki jingbym ïahap khamtam ha kaba ïadei bad ka jingbhah kam ha kaba ka jingdawa jong ngi ka long ban pynkylla mardor ïa ka roster register”.
 ka la jam sha ka sngi kaba saw mynta ka sngi ban pynbor ia ki bor pyniaid ka North Eastern Indira Gandhi Regional Institute of Health & Medical Sciences (NEIGRIHMS) ba kin pyntreikam noh ia baroh ki jingdawa kynthup ka jingbhah thungka ba 80:20 ia kynthei bad shynrang ha ka kam nurse.){kind=link}