Shillong, Jymmang 04 : Ka Sorkar Jylla kala tyrwa ban wanrah da ka skhim thymmai “Meghalaya Education Grant (MEG) ka ban khmih ia ki jingdonkam jong baroh ki skul Grant-in-Aid ha ka Jylla kum ka jingpyrshang ban leh eiei halor ka jingeh ba don bun tylli ki jait skul.
Ia kane la pyntip da u President ka Meghalaya SSA Schools Association (MSSASA) Aristotle C Rymbai hadien ka jingialang bah jong baroh ki nonghikai SSA kaba long ha ka sngi Saitjain.
Kane ka jingialang kalong ban iapyntip ia kaei kaba mih na ki sien shong jingialang bala kot lasan sien hapdeng ka MSSASA bad ka Tnad Education halor kane ka kam.
Haba iakren bad ki nongthoh khubor, u Bah Rymbai ula ong “Ngi la iakren bniah bha halor ka jingthmu jong ka Sorkar ban wanrah ia kane ka skhim thymmai, kaban tip kum ka Meghalaya Education Grant (MEG)”.
“U Commissioner & Secretary ka Tnad Education hynnin ka 2 tarik Jymmang ula pyntip haba iadei bad ka jingthmu ne ka jingtyrwa jong ka Sorkar ban wanrah ia ka skhim ba thymmai, ka ban lum lang shi jaka ia baroh ki skul grant-in-aid-deficit, adhoc bad SSA, ki bym kwah ban aiti ia ka bor pyniaid sha ka Sorkar Jylla” ula ong.
“Ka Sorkar kala aipor ruh ia ki kynhun bapher bapher ba kin aiti ia ki jingpynsngew bad ki jingai jingmut halor ka jingtyrwa shuwa ka 31 tarik Jymmang khnang ba ka Sorkar kan lah ban shim ia ka rai ba kan pyniaid shakhmat bad ka jingtyrwa” ula pyntip haba bynrap ba shisien ba ki kynhun kila aiti ia ki jingai jingmut, ka Sorkar kan sa khot ia ka jingialang ban kren bad ban shim ia ka rai ba donkam halor kane ka kam.
U Bah Rymbai u pyntip ruh bala batai ia ki nonghikai SSA halor ka rai bala shim ha ki 5 tylli ki jingialang bala pyniaid da u Commissioneer & Secretary halor ka kam ki nonghikai SSA khamtam haba iadei bad ka NOC ka jingkloi ki SMC ban aiti ia ka bor pyniaid ia ki skul SSA sha ka Tnad Pule Puthi, kaba dei kawei na ki kyndon kiba ka Sprkar India ba kam dei ban don ka jingiapher hapdeng ki skul SSA bad ki skul ba pyniaid ka Sorkar.
Kat kum ka kyndon, ka dei ban don tang kawei ka bor pyniaid bad ka bor pyniaid ka dei ban long ka Tnad Education.
 ka ban khmih ia ki jingdonkam jong baroh ki skul Grant-in-Aid ha ka Jylla kum ka jingpyrshang ban leh eiei halor ka jingeh ba don bun tylli ki jait skul.){kind=link}