Shillong, Jymmang 04 : Ki shipai Border Security Force (BSF) ha ka 3 tarik Jymmang, kila ioh kem ia 5 ngut ki nong Bangladesh kiba rung tuh sha khappud ka ri India na Jylla Meghalaya.
Kat kum ka kyrwoh, 2 ngut na kine ki nong Bangladesh kiba dei na Sunamganj District, la ioh ban kem da ki BSF ka 193 Bn na khappud ka East Khasi Hills.
Kine ki briew kila phla ba kila rung tuh sha khappud ban wan wad kam wan jam ha India. Ia kine ki briew la aiti noh sha ki Pulit ka Dangar Police Station ban leh eiei kat kum ka ain.
Lai ngut kiwei pat la ioh ban kem da ka 50 Bn na West Garo Hills bad kine ki briew ki dei kiba na Pabna, Sherpur bad Kishoreganj District. Kine kibriew ki dei kiba trei kum u nongsuhjain ha kawei ka karkhana jain ha Ahmedabad, Gujarat bad ki dang wan phai ban leit noh sha Bangladesh.
Ia kine ki briew la aiti noh sha ki Pulit ka Mahendraganj Police Station ban leh ia kaba donkam kat kum ka ain.
 ha ka 3 tarik Jymmang, kila ioh kem ia 5 ngut ki nong Bangladesh kiba rung tuh sha khappud ka ri India na Jylla Meghalaya.){kind=link}