Nongstoiñ, Nailur 9: Kawei ka samla kynthei kaba la tip kyrteng kum ka Pulanchi Momin 19 snem ka karta, ka khun jong u Donjeng T.Sangma na ka shnong Nongchram Rongjeng West Khasi Hills, ka la jah rngai na la їing la katto katne sngi.
Halor katei ka jingjah rngai, u kpa jong ka u la leit ban pan jingїarap na ki pulit ka District bad u la kyrpad ruh, ba kin їarap lem ban pyntip ha baroh ki ktem pulit ka jylla bad kiwei kiwei.
Katei ka samla ka don u sniuh ba lyngkot lam saw bthuh, ka rynїeng jong ka kumba 4 phut 8 inshi. Ka dei na ka jaitbynriew Garo bad ka nang bha ban kren Hindi, Nepali, Manipuri bad Assamese.
Ka phong da ka patlun jean rong їong, ka blouse rong saw bad sandal rong їong.
