Shillong, Lber 30: U Assistant Secretary ka Meghalaya Sport Climbing and Mountaineering Association (MeSCMA) Bah Teimiki Sungoh u la leit ban ïashim bynta ha ka Search and Rescue Course kaba long ha Himalayan Mountaineering Institute (HMI) bad ula ïoh ïa ka khusnam Best Rescuer ryngkat bad ki 11 ngut ki Trainees napdeng ki 26 ngut ki nongïashim bynta.
U Bah Teimiki Sungoh uba dei u nongshong shnong jong ka shnong Shangpung, West Jaiñtia Hills District un sa ïoh ïa ka kyrdan (Grade) “A” kaba dei ka kyrdan kaba heh duh kaba la ai da ki Mountaineering Institutes halor ka jingpyndep jong ki ïa ka Training of search and rescue.
Ia kane ka jinghikai la pynlong naduh ka 6 tarik – 28 tarik u Lber 2025. Ia ka jingpynlut ha kane ka jingleit shah hikai la bei tyngka da ka tnad Directorate of Sports and Youth Affairs, jong ka sorkar jylla.
Ha kane ka Search and Rescue Course ki don tang 23 ngut ki nongiashim bynta na kylleng ki jaka ki la pyndep ia kane ka jinghikai bad ki long kiba kloi ban pyllait im bad ban kiew sha man la ki jingeh ban iarap ia ki bor synshar district bad kiwei kiwei ki seng.
U Bah Teimiki Sungoh u dei tang ma u uba wan na ka Jylla ka thaiñ Shatei Lammihngi, ka jingtrei bad ka jingtbit jong u ka la pynhun ïa ka jaka ai jinghikai bad la jied ïa u ban long kum u Guest Instructor na ka bynta ki jinghikai ban wan ha u bnai May 2025.
Kine ki nongshah hikai ki dei ban long kiba koit ba khiah ha ka met bad ka jingmut jingpyrkhat bad ban don ka jingmut kaba bha bad kaba sngewtynnad ban lehkai. Ia kane ka jinghikai la ju leh ha ki jaka ba kynjang u lum Himalaya.
 “A” kaba dei ka kyrdan kaba heh duh kaba la ai da ki Mountaineering Institutes halor ka jingpyndep jong ki ïa ka Training of search and rescue.){kind=link}