Guwahati, Lber 30 : Ka rel Kamakhya Express kala kylla hynne ka sngi U Blei hajan Choudwar jong ka Jylla Odisha.
Kane ka rel kala kylla hajan ka jaka pynieng ban kyntiew bad pynhiar ia ki briew ha Manguli ha ka thain Choudwar. Kane ka jingkylla kala jia ha ka por 11: 54 mynstep.
Kat kum ka khubor, kane kane ka rel ka dei kaba leit sha Bengaluru bad phra tylli ki bogies jong ka, kila kylla. Ha kane ka jingjia, uwei u briew la iap bad bun ngut kila mynsaw.
Ki bogies na ka B-6 haduh B-14 kila kylla hadien ba ki iaid lait na ki track bad leit kylla sha kawei ka khlaw ba jaka rep ba marjan. Namar kane, kiba bun ki briew kila kynthih na ka rel.
Ka Tnad railway kala pyntip ba la pynsangeh ia kiwei ki rel kiba dei ban iaid lyngba kane ka jaka.
Haba thoh ha X, u Myntri Rangbah ka Assam Himanta Biswa Sarma ula ong “Nga la tip ia ka jingjia jong ka 12551 Kamakhya Express ha Odisha. @CMOfficeAssam kala iakren bad ka Sorkar Odisha lem bad ka Railway. Ngin sa leit iakynduh ia baroh ki briew kiba shah ktah.
