Shillong, Naiwieng 26 : Ka Sorkar Jylla kala ai ia ka jingmynjur na ka bynta ban seng ia ka Park University, ka University shimet, ha Resubelpara, North Garo Hills.
U Myntri Rangbah ka Jylla Conrad K Sangma ula pynbna ba ka Kynhun Myntri kala ai jingmynjur ia ka Ordinance jong kane ka University, hadien ka jingbishar bniah ia kikot ki sla bala tyrwa da ki Tnad bapher bapher.
“Ki nongseng kila iatreilang bad ka Tnad, bad ia ka Bill lah dep ban phah sha ka Regulatory Board jong kane ka University shimet bad ka Tnad Ain ban bishar” ong u Conrad hadien ba pyniaid ia ka jingialang jong ka Kynhun Myntri ha Nan Polok hynne ka sngi Balang.
Ula ing ba ka jingmynjur ka long ruh kat kum ka New Private University Act, kaba la dep pynkhlain ban pynthikna ia ka jingpeit pyrmen ia ka rukom treikam ki University shimet ha ka Jylla.
