Shillong, Naiwieng 26 : Ka Sorkar Jylla kala ai jingmynjur ia ka jingtyrwa ban thied ia ka pynthor kba ha ka Shnong Mawkhanu, New Shillong Township, na ki 17 ngut ki Nongrep kiba la mynjur ban die ia ka jaka jong ki na ka bynta ki project kam pynroi.
Hadien ba pyniaid ia ka jingialang ka Kynhun Myntri ha ka sngi Balang, u Myntri Rangbah Conrad K Sangma ula ong ba kane ka jingthied jaka ka dei u doh jong ki jingiakren bad ki nongrep, kiba nyngkong, kila artatien ban ai ia ka jaka jong ki.
“Ki nongrep mynta kila mynjur ban die beit beit ia ka jaka jong ki sha ka Sorkar, haba iohi ia ka project kaba heh ka ban wan ha ka thain” ong u Conrad.
Kane ka jingthied jaka la khmih lynti ba kan pynsted ia ka jingpyniar ia ki project kam pynroi ha ka thain New Shillong Township.
