Shillong Nailar 02: Ki nongialehkai Karate ka jylla kila wanrah ia ka nam bad burom da kaba ioh khur 8 tylli ki takma ksiar, 2 tylli ki takma rupa bad 3 tylli ki takma rnong ha ka jingiashimbynta ha ka lympung ïalehkai Karate kaba 8 – Indian Challenger Cup, 2024 kaba la pynlong ha Netaji Indoor Stadium, Kolkata.
Kila don 20 ngut ki nongialehkai Karate jong ka All Meghalaya Karate–Do Association (AMKA) kiba la iashim bynta ha katei ka lympung iakob kaba la sdang naduh ka 26 haduh ka 28 tarik Nailar, 2024 bad ia katei ka kynhun la ïalam da ka Ester Mary Lyngdoh bad u Pynhunlang Kharbuli.
Ki nongialehkai kiba la ioh ia ki Takma Ksiar ki kynthup ia ka Phidaiakashisha Lyngdoh (Girls Individual Kumite Cadet -54 kg), Iwannaki L. Khongji (Girls Individual Kumite Cadet -42 kg) u Ferrando Wanniang (Boys Individual Kumite 13 years -45 kg) u Nongpoknganba T. Kharmawphlang (Boys Individual Kumite 13 years -40 kg) u Aibor Jyrwa (Boys Individual Kumite 12 years -40 kg)
Kiba la ioh ia ka Takma Rupa ki kynthup ia ka Phindasumarlin Rani (Women Individual Kumite -45kg) bad ka Lapyntngen Mary Lamin (Girls Individual Kumite 12 years -40 kg)
Kiba ioh ia ka Takma Rnong ki kynthup ia ka Cathy Sweety Nongrum (Girls Individual Kumite junior -42 kg) ka Feliza Hujon (Girls Individual Kumite cadet -54 kg) bad ka Rupaly Deka (Girls Individual Kumite cadet -42 kg).
 kiba la iashim bynta ha katei ka lympung iakob kaba la sdang naduh ka 26 haduh ka 28 tarik Nailar, 2024 bad ia katei ka kynhun la ïalam da ka Ester Mary Lyngdoh bad u Pynhunlang Kharbuli.){kind=link}