Imphal, Nailar 02: Ki bor pahara ha ka sngi Palei, ki la ioh ban kurup ia bun bah ki tiar ialeh na ka thain Uyungmakhong ha Bishnupur district jong ka Manipur.
“Halor ki jingtip bala ioh, ki shipai bad ki pulit ka Manipur, ki la pynlong ia ka jingkhynra lang bad ioh kurup ia ki tiar ialeh kiba kynthup ia ar tylli ki suloi AK-47, kawei ka suloi Sniper, kawei ka pistol 9 mm, lai tylli ki bom bad kiwei kiwei ki dukan kiba long kum ki thma” la ong ka kyrwoh.
U heh Sorkar u la ong ba ka jingioh kurup ia kine ki tiar ialeh ka dei ka jingjop bad ka pynpaw ïa ka jingïatreilang hapdeng ki shipai bad kiwei kiwei ki bor pynjari aiñ, kaba pyni ruh ïa ka jingangnud jong ki ban pynthikna ïa ka jingshngaiñ ha ka thaiñ.
Ïa kine ki tiar ba la ïoh kurup la aiti noh sha ki pulit ka Manipur ba kin leh ïa kaba donkam.
