Shillong, Risaw 9: Ki nongsengkam jong ka jylla Meghalaya ki la nang jam shajan ban poi sha ki iew ki hat jong ka pyrthei ha ka sngi ka ba-ar jong ka Reverse Buyer Seller Meet (RBSM) 2.0 ha ka State Convention Centre, Shillong.
Ka meet bala pynlong da ka tnad Commerce and Industries jong ka sorkar Meghalaya, kala wanrah lang ia ki nongsengkam na baroh ki 12 tylli ki district ha kaba ki nongthied nongpet kiba napoh ka ri bad nabar ri ki don haduh 32 ngut.
Palat 300 tylli ki MSME ki ïashim bynta ha kane ka jingïalang kaba ar sngi, kaba thmu ban thaw ki lad ban shalan mar shabar ri da kaba ailad ïa ki nongpynmih mar trai ri ban pyni ïa ki mar, ban sngewthuh ïa ki jingdawa jong ka ïew bad ban thaw ïa ki jingïadei ba beit.
Ha ka sngi Thohdieng, ki MSME ki la ïakren bad phylliew jingmut bad ki nongthied bad ki nongmihkhmat na ki ri bapher bapher, da kaba ïasam jingmut halor ki mar bad ki jingïatreilang kiba lah ban long.
Katto katne ki unit ki la thaw ïa ki jingïadei ha ka kam khaïi pateng bad ki la ïasoi ïa ki jingïateh kular (MoUs) na ka bynta ban pynbiang sha ki iew shabar ri, la ong ki heh ophisar.
La khmih lynti ba ka RBSM 2.0 kan pyniar ia ka jingpoi jong ki mar ba la pynmih hapoh ka ri shabar jong ka jylla bad plie lad thymmai na ka bynta ka jingroi jong ka kam, ka jingbei tyngka bad ka jingshalan shabar ri.
