Shillong, Nohprah 14: Palat 3000 ngut ki nongmareh kiba mihkhmat ïa ki 26 tylli ki jylla bad 2 tylli ki union territory, kiba don ha ka rta bapher bapher, ki la ïashim bynta ha ka 5th Edition Assam Rifles Half Marathon 2025.
Iaka Assam Rifles Half Marathon la pynlong da ka Ophis jong ka Directorate General Assam Rifles Laitkor, Shillong kum ka sienjam ba kongsan ban kyntiew ia ka “Fit India Movement”.
Ka Assam Rifles Half Marathon kadei ka lympung iakop mareh kaba man la u snem kaba la pynlong nyngkong eh ha u snem 2021 bad mynta kala sdang pawnam bha ha kaba la wan shim bynta daki nong mareh na kylleng ka ri.
Ia kane ka Half Marathon la pynlong ha ki lai tylli ki bynta, Cloud Chase (21 km), Pine Path (10 km) bad Crystal Stream (5 km).
Ia ka Marathon la kaweh lama da u Lt Gen Vikas Lakhera, AVSM, SM, Director General Assam Rifles bad ka Vibha Lakhera ka President jong ka ARWWA na ka bynta ka kyrdan 21 km, u Maj Gen Jai Singh Bainsla, SM, ADG Assam Rifles, Satish Nambiar, Executive Stateast State bad (Corporate Comn) Indian Oil Corporation Limited, Mumbai kila kaweh lama ia ka kyrdan 10 km bad ia ka kyrdan 5 km la kaweh lama da u Brig bad ka Sachindra Tiwari, Brigadier Administration, Headquarters DGAR.
Na ki 3,038 ngut ki nongmareh, 559 ngut ki mareh ha ka Half Marathon kaba 21 km, 1,502 ngut ha ka jingmareh kaba 10 km bad 977 ngut ha ka jingmareh kaba 5 km.
Ha kane ka lympung la ai khusnam bad Certificate sha ki nongiashim bynta kum ka jingithuh ia ka jingtrei shitom jong ki ryngkat bad ki T-shirt ban sah jingkynmaw.
La ai khusnam pisa kaba shongdor T.20 lak sha ki 48 ngut ki nongmareh ha kylleng ki kyrdan bapher bapher, nalor ki Consolation Prize.
Ha ka thup Overall Category, u Sandeep Devrari jong ka 20 Kumaon Indian Army u la jop ha ka 21 km (Shynrang) da kaba pynkut iaka jingmareh haka 01 kynta 07 minit katba ka Tamsi Singh na Varanasi, Uttar Pradesh ka la jop ha ka 21 km (Women) ha ka por 1 kynta 23 minit.
Ha kane ka sngi la ia donlang u Air Marshal Surat Singh, AVSM, VM, VSM, AOC-in-C Eastern Air Command bad ka Nisha Singh President jong ka Eastern Air Command AFFWA.
