Tura, Lber 29: Uwei u briew ula duh ei ia la ka jingim hynne ka sngi Thohdieng hadien ba ula shah thom ha u Hati katba u dang pyrshang ban shondur ha ka shnong Harigoan, Garobadha, West Garo Hills District.
Utei u hati ula iaid ha kylleng jong katei ka jaka ha kine ki khyndiat sngi, ban wadbam bad hynne ka step lashem ba ula don ha kawei ka jaka rep kaba ker sawdong ia ka shnong Harigaon.
Haba iohi ia utei u Hati, uwei u rangbah uba la don 50 snem ka rta ula leit tur shajan ban shondur bad kumta utei u hati ula beh thong bad thom ia une u rangbah.
“Ngi la ioh ia ki jingtip ba une uba la khlad, ula leit tur shajan jong u hati ha ka por ba u shah thombor. Ngi ngeit ba utei u Hati uba la poi ha kylleng ka thaiñ Wakagre ha kine ki taiew kiba la dep” pyntip u Wildlife DFO u Rupankar Marak.
Une u rangbah uba la khlad la tip kyrteng kum u Abing D. Marak na Harigaon, Mukdangra.
Ki pulit kila leit ban shimti noh ia ka metiap na ka bynta ban leh ia ka Post Mortem.
U DFO ula kyntu ia ki paidbah ba kidei ban kiar ha kaban leit tur shajan jong ki mrad khlaw ban lait na kino kino ki jingma bad jingjia ba sngewsih.
Ki riewshemphang kiba iadei ha ka Wildlife kila pynpaw ba ki Hati kidei ki mrad ki bym lah shah ia ka jingsawa kaba jam, khamtam eh haba ki briew ki tang ia ki bom pataka bad kumta ki Hati kin thombor haba ki iohi ia ki briew.
