Nongstoiñ, Lber 29: Katba ki sngi ki nang jan nang jan sha ka elekshon Lok Sabha, ka National People’s Party (NPP) kala nang khring iaki Nongialam jong ki seng sain pyrthei bapher bapher ban wan iasoh bad ka Party.
Ka NPP kala pynkhylliap lama syndon ia kawei ka seng sain pyrthei ha Nongstoin, West Khasi Hills, da ka jinglah ban tan ia jan baroh ki nongialam bad ki nongkitkam jong kane ka seng.
Kane ka seng sain pyrthei ka dei ka All India Trinamool Congress (TMC) kaba ialam da u Lamphang barim ka Iingdorbar Thaw Ain Bah Charles Pyngrope lem bad u Myntri Rangbah barim ka Jylla Mukul Sangma.
Ki Nongialam ka TMC hapoh ka jingialam jong u President Bah Macmillan Kharbani, Bah Hubert Kharbani bad bah Paskal Nongrum, kila leit ban pyniasoh sha ka NPP ha ka jingialang kaba long ha ka sngi Palei ha Nongstoin.
Ia kine ki Nongialam bad nongkitkam ka TMC la pdiang sngewbha da u MLA barim ka NPP na Nongstoin Bah Macmillan Byrsat, uba bat kum u President ka NPP-West Khasi Hills ha ka jingiadonlang ki Nongialam ka NPP Nongstoin Block.
Kine ki Nongialam ka TMC kila pynpaw ba ka daw ka jingmih noh jong ki na ka TMC ka dei namar ka jingsngewthuh ba ki paidbah kim pat pdiang satia ia kane ka party hapoh ka thain.
 kala nang khring iaki Nongialam jong ki seng sain pyrthei bapher bapher ban wan iasoh bad ka Party.){kind=link}