Nongpoh, Kyllalyngkot 29: U wei u nongniah auto rickshaw u la khlad hashen ha ka jingjia tyngkhuh kali kaba la jia hynne ka step sngi Nyngkong ha ka jingkieng Umlew, NH-44 jong ka Shillong Bypass, Ri Bhoi District.
Kane ka jingiatakhuh kali ka dei hapdeng ka auto rickshaw kaba don u nombor ML10-C-6897 bad ka trokAS01-GC-0191.
Kat kum ka khubor Pulit la iathuh ba u nongniah ka auto rickshaw Dhiren Chandra Barman ba sah ha Umling, ula leit tynrah hi markhmat ia kane ka trok. Une u nongniah auto ula iap hashen bad arngut kiba shong hadien, kila mynsaw.
Ki Pulit ka Khapmara PIC kila hiar tohkit ia kane ka jingjia bad ia kiba mynsaw la pynkit noh sha Bhoirymbong CHC. Ia uba iap la pynkit noh sha Civil Hospital Nongpoh ban pyndep ia ka post mortem.
Ki Pulit ki iathuh ba u nongniah jong ka trok, ula phet krad na kane ka jaka ban lait na kino kino ki jingjia ba sngewsih.
