Mizoram, Risaw 30: Haduh kumba San ngut ki briew kila duh ei la ka jingim bad 18 ngut kiwei pat kila ngat ha ka jingmynsaw hadien ba kawei ka trok kit umphniang petrol kala kem ding bad bthei noh ha ki bynta jong ka Aizawl district ka Mizoram hynnin ka janmiet sngi Saitjain, ong ka khubor pulit.
Kane ka jingjia kala jia hapoh ka shnong Tuirial kumba 18km na ka thain mihngi jong ka nongbah ha ka por kumba 6 baje janmiet, kata katba kane ka trok ka dang don ha ka lynti ban leit sha Champhai.
Kane ka trok kala kem ding ha ka por ba ki trai shnong kila pyrshang ban tong ia ka petrol kaba la lait na kane ka trok namar ki katto katne ki daw.
Hadien la pyndonkam da ka jingpynlip ding ha kaba la lapdien ia ki santylli ki metiap kat haduh ba la pynmih ia kane ka khubor. Kine ki metiap kila ingkhong baroh katba ia ki 18 ngut kiba la ngat ha ki jingmynsaw na ka jinging ding la pynkit noh shapoh hospital.
San ngut napdeng kine kiba mynsaw kila don hapdeng ka jingshitom kaba jur, ong ka khubor pulit.
