Shillong, K’lyngkot 29 : U MLA ka BJP na South Shillong Bah Sanbor Shullai ha ka sngi Balang, ula iakynduh ia u Myntri Khynnah ka DoNER Ministry Dr Sukanta Mazumdar, bad ban jur ban ai Direct Funding ia ki District Council ka Jylla.
Une u MLA ula kyrpad ruh ia ka DoNER ba kan ai ia ki song jingiarap pisa sha ki District Council.
U Bah Sanbor ula iakren bniah ruh halor ki project bapher bapher ba dang sahteng ha Jylla bad kyrpad ruh ia ka Sorkar Pdeng ba kan pyllait noh ia ka scholarship kat kumka por kaba dei.
Ula pyntip ba une u Myntri Khynnah un sa wan iuhkjatsha Meghalaya hadien ba kut ka elekshon District Council bad un sa iakynduh ruh ia ki Nongialam jong ki District Council ban iakren halor ki jingeh bad jingdonkam jong ki.
