Shillong, K’lyngkot 29 : Ki shipai BSF ka Meghalaya Frontier, ha ka sngi Ba-ar, kila ioh ban kem ia 5 ngut ki briew kiba wan rung beain shapoh u pud u sam ka Ri lyngba ki khappud ka East Khasi Hills District.
Kine ki 5 ngut ki kynthup ia 4 ngut ki nong Bangladesh bad uwei u nong India uba dei u nongniah kali. Ki shipai kila ioh bat ia kine ki briew na kawei ka Maruti Altp ha GRIEF Morh.
Ha ka jingtohkit, kine ki nong Bangladesh kila phla ba kila wan rung tuh sha India naduh kine ki khyndia bnai bala leit bad kila leit trei bylla kum ki nongsuhjain ha Bangalore bad thmu ban leit phai biang sha Bangladesh khlem ka jingbit.
Kine ki nong Bangladesh ki dei ki nongshongshnong ka Narayangan, Bangladesh. Ia kine ki briew la aiti noh sha ki Pulit ka Pynursla Police Station ba kin tohkit bad leh ia kaba donkam.
