Agartala, Lber 12 : Ka kynhun ki 12 ngut ki nongialam ka CPI-M bad Congress ki la pynlong ka jingleit iakynduh ia u Lat ka Tripura, u Satyadeo Narayan Arya ban dawa ia ka sorkar ba kan pynneh pat ia ka shongsuk shongsain bad ban weng noh ia ki jingiakynad sain hima.
Lehse kane ka dei ka sien kaba nyngkong ba une u Lat u la pynlong ka jingiakynduh ia ki nongialam liang pyrshah hapoh ka iingsah jong u Lat.
Kine ki nongialam kiba la leit ban iakynduh ia u Lat ki kynthup ia u CPI-M state committee secretary u Jitendra Chaudhury, u heh ka PCC Cheif u Nirajit Sinha, u MLA barim u Asish Kumar Saha, u AICC Tripura in-Charge u Ajay Kumar, AICC national secretary ka Szarita Laithphlang, u MLA Gopal Chandra Roy, bad ki MP jong ka CPIM and Congress.
Ki nongialam ka CPI-M bad Congress ki la thaw hi laitylli ki kynhun bad pynlong ka jingleit jurip ia ki laitylli ki jaka jong ka Sadar, Mohanpur bad Bishalgarh Sub-Divisions.
