Shillong, Naitung 27 : Ka kynhun ialehkai jong ka Langsning FC ka la ioh ban pynliem haduh 3-1 kol ia ka Mawkhar SC ha ka lympung Shillong Premier League kaba long hynne ka janmiet ha madan Third Ground Polo.
Haba phai sha ma jingiakhun, ka Langsning naduh ka minit kaba 24 ka la ioh ban pynkhih jar lyngba u Figo Syndai tang ha ka minit kaba 24 kaba kylla long ka kol kaba ailad ia ka kynhun ban lamkhmat tad haduh ban da kut ka kylla step.
Haba la poi pat ka kylla miet, katei ka kynhun ka la ioh ban thep sa shi kol lyngba u Shano Tariang ha ka minit kaba 46. Kaba itynnad ka long tang hadien shi minit ba thep ka Langsning ia ka kol kaba ar, ka Mawkhar ka la ioh ban pynphai noh shi kol lyngba u Lyngketlut Myrchiang ha ka minit kaba 47 kaba pynlong ia ka jingiakhun ban neh da 2-1 kol.
Watla ka Mawkhar ka iakhun tyngeh ban ioh pynphai bad pyniakhaid ia ka jingiakhun hynrei dei ka Langsning kaba ioh ban thep sa shi kol lyngba u Kitbok Pale ha ka minit kaba 76 jong ka kylla miet.
Watla baroh arliang ki iakhun tyngeh ban ioh thep kol hynrei tad haduh ba kut jong ka jingialehkai, ka Langsning ka la khur suk ia ki lai point da kaba jop 3-1 kol.
