Buh ka Congress hakhmat eh ia ka pule puthi bad kam jngohkai ha ka mat iakhun elekshon 2023

Date:

Share post:

Shillong, Naitung 27: Ka Congress ka la rai ban buh hakhmat eh ia ka kam jngohkai pyrthei bad ruh ka pule puthi ha ki mat iakhun elekshon lane ka manifesto na bynta ka elekshon MLA kaban long ha u 2023.

Haba ïakren bad u President ka Meghalaya Pradesh Congress Committee (MPCC) Bah Vincent H Pala u la ong, “Ka pule puthi kumjuh ki kam jngohkai pyrthei ki iaid ryngkat ryngkat. Kumta lada ki samla ki long kiba la nang la stad ki lah ban ioh kam iohkam ha ka kam jngohkai pyrthei,” u la ong.

U Bah Pala u pyntip ruh ba ka party mynta hapoh ka jingialam jong u Dr.Celestine Lyngdoh Chairman ka Committee ki la iaid shiad shaid ka jingpynkhreh na bynta ban pynbit pynbiang pura ia ka manifesto.

Ha kajuh ka por u ong ruh ba ka jylla kadei ban pyndonkam hok ruh ia ka jingdon ki marpoh khyndew kiba don ha ka jylla.

“Ngi don u dewiong, u mawshun bad kiwei ki marpohkhyndew, kumta ngi dei ban pyndonkam hok ia kitei ki jingdon jingem ba ka mariang ka don,” u la ong.

Ha kajuh ka por u ong ruh ba ka koit ka Khiah kadei ruh sa kawei pat ka bynta ba kum ka party ka buh hakhmat eh.

U Bah Pala u iathuh ruh ba ka Ishu nongrep bad ka jingeh ba ki kynduh kadei sa kawei pat ka mat. U la iathuh ruh ba ki nongrep ki mad Shibun ki jingeh la ka long naduh ka dawai thung kaba rem dor bad kaba shem jingeh wat ban ioh na iew na hat ruh.

“Ngi la dep ban ia kren bad ki kynhun nongrep bapher bapher bad kyntu ia ki ban phah ia ki jingai jingmut namar ngi kwah ba lada ngi thaw ia ki polisi kan dei ym katkum ka jingkwah jongngi hynrei katkum ka jingdonkam jong ki,” u la ong.

Ha kajuh ka por u Bah Pala u la iathuh ruh ba ka party ka la pynkhreh ban sei kyrtong ha baroh 60 tylli ki constituency na ka bynta ka elekshon ban long ha u snem ban wan.

Share post:

spot_img

Popular

More like this
Related

Hukum ka Iingkashari ia ka Sorkar ban bud ia ki kyndon ban wanrah jingkhuid ha pung Umiam

Shillong, Rymphang 24 : Ka Iingkashari Meghalaya High Court...

Govt to issue notification on age limits for jobs soon

SHILLONG, FEB 26: Chief Minister Conrad K Sangma on...

Shen yn pynmih jingpynbna ka Sorkar halor u pud rta ioh kam

Shillong, Rymphang 26 : U Myntri Rangbah ka Jylla...

Yn pynlong jingiakhih ki ar seng namar ka jingslem ban pynmih ia ka resol DSC

Nongpoh, Rymphang 26: Ka Ri Bhoi People’s Council (RBPC)...