spot_img

Donkam ithuh ia ka sap naduh ba dang lung ka rta, ong u CM ha ka State Talent Identification

Date:

Share post:

Shillong Naitung 27: U Myntri Rangbah ka jylla u Conrad K Sangma hynne ka sngi balang, ula iashimbynta ha ka State Talent Identification 2022 bala pyntreikam da ka EDGE 10 Group ha St Anthony’s Higher Secondary School kaba la pynlong da ka Meghalaya State Olympic Association bad ka Tnad Sports and Youth Affairs.

Haba kren ha ka jingialang u Conrad K Sangma, ula ong, ka jingsdang jong ka jingkyntiew iaka jingialehkai kadei ban sdang naduh ka rta kaba dang lung bha bad la sngewthuh ba ka jingpynwandur iaka rukom pyrkhat bad iaka sap ka phong ka sdang haka rta kaba dang lung.

U la ong, ka sorkar ka donkam ba kan pynmih iaka polisi treikam bad ka prokram kaba paka ban pynwandur bad ban ithuh ia ki heprit bad iaka sap ka phong jong ki khnang ba kin long kiba jop haka jingim ka jongki haka lain ialehkai ne ha kano kano ka liang kaba ki don iaka sap ka phong.

U Conrad u la ong, ka sorkar ka don ia ka jingthmu ban iaka Talents Identification ha ki liang bapher kiba kynthup iaka Music, Science & Technology bad kiwei kiwei.

“Ka sorkar kan plie ia ki lad ki lynti ban pynheh pynsan ia kiba don iaka sap ka phong ha ki liang bapher, khnang ba ki khynnah kinlah ban kylla kiba tbit tam haka pyrthei” ong uConrad Sangma.

Ha kane ka State Talent Identification programme la wan ban iashimbynta da u Commissioner, Sports & Youth Affairs, u Dr Vijay Kumar, ki nongialam bad ki dkhot jong ka Meghalaya State Olympic Association.

Share post:

spot_img
spot_img

Popular

More like this
Related

Dawa tohkit ka HYC ba thied ban supply ia ki tin sop iing ba tad dor

Shillong, Jylliew 21: Ka Hynniewtrep Youth Council (HYC) ha...

Gherao ki BSF ia ka Umkiang Police Patrolling Post ba shah kem ki shipai jrong kti ia ka Khynnah

Shillong, Jylliew 21 : Ka kynhun ki shipai Border...

Meghalaya Secures 300 Acres for Umiam Tourist Hub, Plans Helicopter Services

Shillong, June 20: Chief Minister Conrad Sangma chaired a...

Liem ka Champion haka Christian HSS | Ïoh ka Ri-bhoi ïaki Skul ban mihkhmat sha State Level

Nongpoh, Jylliew 19: Ka lympung ïalehkai ball jong ka...
spot_img