Plie u CM ia ka workshop halor ka National Education Policy

By
Ka Shlem
-
0
31

Shillong Naitung 27: U Myntri Rangbah ka jylla u Conrad K Sangma hynne ka sngi balang ula ong ba ka jingpyntreikam iaka New Education Policy (NEP) kan dang donkam iaka por, ka jing shimkhia bad ka long kaba donkam ruh ban pynlut tyngka ha kiba bun ki liang.

U Conrad u la kren ia katei kum u kongsan ha ka National Workshop halor ka phang ‘Translating Vision into Action NEP 2022: An Implementation Perspective’, kaba la pynlong da ka Internal Quality Assurance Cell jong ka Shillong College hynne ka sngi.

“Ka jingkylla kaba thikna ka long kaba donkam hynrei ym lah pat ban khmih lynti ba kiei kiei kin jia noh hapoh ka shi sngi hynrei ki don katto katne ki bynta kiba ngi donkam ban buh hakhmat eh kum ka sorkar bad ka imlang sahlang ban pynlong ia ka kaba bha, ki nongshong shnong kiba biang bad ka imlang sahlang ka ban ai mynsiem ba ngin iaid shakhmat wat lada ngi iakynduh ia kino kino ki jingkylla.

U la ong, ka Education Policy ka kham pynleit jingmut ha ka jingwad bniah, ka rukom pyrkhat pyrdain kaba khlain, ban leh ia kaei kaei kaba long thymmai, vocational training, ban seng kam lajong, kam ialehkai bad kiwei kiwei, kaba long ruh ka jingpynkylla bad jingiapher na ka pule puthi ha ki por kiba la leit bad ki bynta jong ka Education Policy kaba thymmai ka long kaba kongsan bha.

U Myntri Rangbah u la ong, katei ka Workshop kan iarap ha kaban sngewthuh shai iaka jingiohi jngai bad jingthmu jong ka Education Policy bathymmai bad ban pynkhreh iaka jingiaid lynti ym tang iaka Shillong College hynrei wat ia kiwei kiwei ki college ruh.

U Conrad u la plie paidbah ruh iaka jaka pule kaba dang shu dep tei thymmai, ka Auditorium bad ka Lift ia kaba la mang tyngka da ka RUSA.

Ha katei ka jingialang la ioh ruh iaka jingkren na u Myntri ka pule puthi u Bah Lakhmen Rymbui, u Additional Chief Secretary ka jylla u Bah D.P Wahlang bad la iaodnlang ki nongpyniaid bad nonghikai jong ka Shillong College bad kiwei kiwei.