Mairang, Naitung 1: Ka Deputy Commissioner jong ka Eastern West Khasi Hills District, ka khot application ïa ki kynhun ne seng kiba la register na ka bynta ban apply ia ka skhim jingiarap pisa hapoh ka Chief Minister’s Youth Development Scheme (CMYDS) na ka bynta u snem 2024-25.
Kane ka scheme ka ai jingiarap pisa sha ki kynhun kiba la rejister kum ki Voluntary Agencies (VAs), Non-Government Organizations (NGOs), Society, Cooperative, Voluntary Organization, Youth bad Cultural Clubs bad Association, ki seng kiba ym shim jingmyntoi ialade, (not-for-profit organizations), ki seng riew paidbah, ki Community Level Youth Institutions, ki Sports Association kiba la register, bad ki tnat sorkar kiba hapoh jong ka District Eastern West Khasi Hills.
Ka jingiarap pisa hapoh jong kane ka scheme kan long na ka bynta ki jait kam, kum ka kynhun jong ka District Level Youth Festivals, ka jingpynkhuid ia ki jaka ha ki district, Workshop bad Seminar na ka bynta ki samla, Industry Specific Exposure Trips, Youth Career Counseling Fair bad kiwei.
Kane ka scheme ka kyrshan ruh ïa ki Community Regeneration Volunteering Programs, ki Financial bad Digital Literacy Workshops bad Seminar, Mental Well-being Programme kynthup ka counseling, seminars bad workshops. Ka scheme ka pynshlur ruh ban pynlong ïa ki Campaign bad Program kiba ïadei bad ka Sports Authority of India Fit India Campaign bad kiwei.
Ia ki Application Forms lah ban ioh na ka ophis jong ka Deputy Commissioner, Eastern West Khasi Hills District, Mairang naduh ka 1 tarik Naitung 2025 ha ki kynta long trei bad ka Tarik ba khatduh ban submit ia ki application form kan long ha ka 31 tarik u Naitung 2025.
 na ka bynta u snem 2024-25.){kind=link}